BUTUAN CITY – Wala’y angol sa kapulisan human ang 10-minutos nga engkwentro tali sa mga rebeldeng New People’s Army kon NPA didto sa Claver, Surigao del Norte kagahapon sa buntag.
Natigayon ang engkwentro human gibanhigan sa mga rebelde ang unom ka mga pulis nga nagpatrolya sa may Km. 13.
Sigon ni P/Sr. Supt. Anthony Maghari, police provincial director sa Surigao del Norte Police Provincial Office, gisuta pa nila kung duna’y casualty sa panig sa mga rebelde.
Nasayrang sukad gideklara ni Pangulong Rodrigo Duterte nga teroristang organisasyon ang Communist Party of the Philippines – New People’s Army kon CPP-NPA, gipa-alerto gilayon ni Police Regional Office-13 director C hief Supt. Nilo Romana ang tanang mga police units ning rehiyon aron malikayan ang posibleng pag-atake sa mga rebelde sama sa nahitabo sa police station sa Binoangan, Misamis Oriental. (Beth Ruiz)
