BUTUAN CITY – Mitahan sa kapulisan sa Loreto, Agusan del Sur ang usa ka inahan human nga wala na makaya pa ang pagduot sa iyang konsensya, ug mi-angkong siya ra ang responsable sa kamatayon sa usa ka puya nga premature pa dihang napalgan dapit sa pansayan sa Sitio Aurora, Brgy. Johnson sakop sa maong lungsod.
Una nang nabaniog nga natigbasan ang maong bata human matud pa naala-an nga mantiyanak sa tawong migawas sa lawom nga kagabhi-on aron mugamit unta sa pansayan.
Ulahi nang nakumpirmang tinuod kini nga bata rason nga gidala kini sa Valentina Galledo Plaza Memorial Hospital apan nakabsan na sa kinabuhi.
Sigon ni kang Punong Barangay Rex Magadan, personal nga nitawag ang inahan sa 18-anyos nga dalaga ug nitug-an kaniya nga ang iyang anak nga nilabay og sundang sa bag-ong himugso nga bata kansa mao ang usab ang inahan sa batang namatay.
