BUTUAN CITY – Wala’y kumpiyansa karon ang kasundaluhan sa 401st Infantry Brigade, Philippine Army sa gihimong deklarasyon sa Bagong Hukbong Bayan – Northeastern Mindanao Region nga hunong opensiba batuk sa mga pwersa sa AFP ug PNP.
Sa pakighinabi ning sibyahan, gibutyag ni Capt. Rodulfo Cordero Jr., Civil Military Operations officer sa maong brigada, padayon ang ilang pagpatuman sa hugot nga seguridad ning panahon sa Semana Santa.
Gikwestiyon niini ang sensiridad sa walhong grupo sa pagpatuman sa maong ceasefire base na sa ilang gihimong pagpangatake sa nanglabay’ng katu-igan taliwa sa pagtunhay sa gideklara nilang peacetalks og ceasefire.
Duda usab siya kung sundon sa mga field commanders sa NPA ang deklarasyon sa ilang mga opisyal.
Subay niini, padayon ang ilang pagpatuman sa alert status sa tanang yunit sa kasundaluhan alang sa pagprotiher sa katawhan tungod kay dili matud pa matagna ang mga posibleng himuon sa mga walhong grupo ngadto sa pwersa sa gobyerno. (Mon Aplaya)
