BUTUAN CITY – Ang midaug sa “Aleng Pulis” competition nga si Police Chief Master Sergeant (PCMS) Maria Zha-Zha Bio sa Civil Security Group (CSG) maoy magrepresentar sa Pilipinas sa Mrs. International Global 2026.
Si PCMS Bio gikoronahan isip Classic Mrs. Philippines International Global 2026 ug tungod sa iyang kada-ugan, napili siya nga murepresentar sa nasod sa Mrs. International Global 2026 World Final nga himoon sa Kuala Lumpur, Malaysia karong Oktubre.
Siya usa ka chemical specialist ug magtutudlo nga nagpalambo sa adbokasiya alang sa pagpalig-on sa katungod sa kababayen-an, pagpataas sa kahibalo bahin sa chemical safety, ug pagpanalipod sa kinaiyahan ug panglawas sa matag pamilya.
Gidayeg ni PNP Chief Jose Melencio Nartatez Jr. ang pag-apil ni Bio sa kompetisyon, ug nagbutyag nga ang iyang kadaugan nagpakita sa talagsaong kalidad sa usa ka police officer ug nagsilbing inspirasyon sa matag-Pilipino.
Nagtuo ang PNP Chief nga molampos si PCMS Bio tungod kay iyang girepresentar dili lamang ang Pilipinas kondili apil usab ang Philippine National Police (PNP).
