BUTUAN CITY – Gitay-og sa magnitude 5.7 nga linog ang Hinatuan, Surigao del Sur kaganinang ala-1:53 sa kaadlawon Disyembre 22, diin nabati kini sa nagkada-iyang dapit sa maong lalawigan apil na sa lalawigan sa Surigao del Norte, Agusan del Norte ug dinhi sa dakbayan sa Butuan.
Sumala sa earthquake bulletin ng Philippine Institute of Volcanology and Seismology o PhiVolcs, ang linog adunay giladmon nga 10-kilometro ug ang epicenter niini nahimutang sa 135 kilometro sa amihanang sidlakan sa maong lungsod nga nasundan gilayon sa mga aftershocks didto sa Cagwait, Surigao del sur nga natala sa magnitude 3.9, ug magnitude 2.3 sa Hinatuan.
Nabati ang Intensity III nga pagtay-og sa Bislig City, diin pipila ka mga residente ang nakamata tungod sa pag-uyog sa mga balay.
Sa pagkakaron, wala pa’y gitaho nga dakong kadaot sa mga kabtangan o nasamdan sa mga molupyo, apan padayon ang monitoring sa mga awtoridad alang sa posibleng mga aftershock. Gipahimangnoan usab ang publiko nga magpabiling kalmado, magbantay sa kasayuran gikan sa mga awtoridad, ug mag-andam sa posibleng sunod nga mga paglinog.
