BUTUAN CITY – Gipagawas na sa kapulisan sa lungsod sa Buenavista, Agusan del Norte, ang computerized generated cartographic sketch sa tulo ka mga suspek sa pagbanhig sa mga sakay sa service vehicle ng East West Bank-Nasipit, Agusan del Norte branch.
Kini base na usab sa paghulagway sa mga nakasaksi sa maong insidente anga natigayon sa crossing Agong-ong, Buenavista Agusan del Norte nga gikamatay sa gwardiyang si Gerson Lumanao, minyo og residente nsa Brgy. Macalang sakop sa maong lungsod og gika-angol usab sa branch manager nga si Noryev Barsobia nga taga-Butuan City kinsa padayon pang nagpa-alim sa usa sa mga ospital sa Davao City.
Mahinumdumang wala nadala sa mga suspek ang bag nga duna’y sulod nga 2-milyones p esos nga salaping cash nga anaa sa likod sa lingkuranan sa gwardiya tungod kay bugtong nilang nadala mao ang sling bag sa manager nga duna’y sulod nga mga personal nitong gamit.
Padayon pa gihapong gipangita sa kapulisan ang mga responsable. (Beth Ruiz)
