BUTUAN CITY – Pabiling gipasigarbo sa taga-Senegal ang ilang national football team bisan pa man og wala nakasulod sa round of 16 sa nagpadayong 2022 FIFA World Cup human gipildi sa England niadtong Lunes, Disyembre 5.
Sa eksklusibong pakighinabi sa Bombo Radyo Butuan, gipadayag ni Bombo international correspondent Novella Quijano Lawig-Massood direkta gikan sa Senegal, supportive ngadto sa ilang national team ang tanang Senegalese.
Gani, duna’y mga tawong manghatag kanila og t-shirt nga duna’y printa sa ilang national team aron lang ipakita ang ilang suporta.
Bisan pa man sa ilang kapildihan, proud gihapon ang mga Senegalese tungod kay dili namawala nga sila ang mikampyon sa African Cup ning mi-aging tuig dungan sa panghinaut nga makasulod gihapon sila sa sunod nga torneyo karong tuig 2026 nga himuon sa Estados Unidos.
