BUTUAN CITY – Wala pa gihapo’y gitugutan ang Philippine Coast Guard kon PCG-Surigao City nga mga sakyanang pandagat nga makalawig sa kalawran tungod sa bagyong Urduja nga naka-apekto og apil sa Dinagat Islands samtang nakasinati pa usab og mabagyuhong panahon ang ilang siyudad.
Sa eksklusibong pakighinabi ning sibyahan, gibutyag ni PO3 Ocon nga kini ang hinungdan nga nadugangan na usab ang mga pasaherong stranded sa mga pantalan nga ubos sa ilang area of responsibility.
Gibutyag sa opisyal nga nanghatag na og pagkaon ngadto sa stranded nga mga pasahero sa Lipata og Surigao ports, ang mga personahe sa City Social Welfare and Development kon CSWD.
Tungod kay pabiling anaa sa signal numbr 1 ang Dinagat Islands province nga sikbit lang sa maong siyudad, hinungdan nga hugot ang ilang desisyong dili una pabiyahion ang tanang klase sa sakyanang pandagat.
Tungod niini, nangayo og dispensa ang opisyal sa tanang na-stranded nga mga pasahero dungan sa pagpasabot nga alang lamang kini sa ilang kaayuhan. (Beth Ruiz)
