BUTUAN CITY – Bisan og pasulod pa lang ang summer vacation, fully book na ang mga resorts og uban pang klase sa accommodation sa Siargao Island alang sa entiro tuig 2018 tungod sa kadaghan sa mga local og international tourists nga planong magbakasyon sa maong isla.
Sigon ni Maria Ana Nuguid, regional director sa Department of Tourism kon DOT-Caraga, natala ang sayong pagpa-book sa mga turista sa ilang sak-ang mga resorts human ang rekomendasyong temporaryong ipasira ang Boracay Island isip tourist destination tungod sa himuong rehabilitasyon.
Sa pagkakaron sunod-sunod nga mga convergence meetings na ang gihimo sa mga stakeholders sa pagpanguna ni Surigao del Norte Gov. Sol Matugas aron mahisgutan ang mga himuong lakang aron mahatagan og igong seguridad ang mga turista og aron mas tatatak sa ilang huna-huna ang mga kalihukang ilang masaksihan sa maong isla.
Mala-umon usab si Nuguid nga makaya sa mga pasilidad sa isla ang pag-accomodate sa tanang mga midagsa pang turista ilabina nga dagkan ang nakahan-ay nga mga international events alang karong summer. (Beth Ruiz)
