Mga rebel surrenders sa Agusan del Norte, hatagan og kapuy-an

BUTUAN CITY – Gipangunahan ni Agusan del Norte Governor Ma. Angelica Rosedell M. Amante-Matba, uban ni 402^nd Brigade Commander B/Gen Franco Nemesio Gacal og 23^rd Infantry Battalion ubos kang Lt. Col. Francisco Molina ang ground breaking ceremony alang sa konstruksyon sa Manpower Development Center- Halfway House kansa gitagana alang sa mga kanhi rebelde ning lalawigan.

 

 

Ang maong pabalay nga gibansagang ‘Pinuy-anan Para sa Kabag-uhan’, tukuron sulod sa kampo sa 402^nd Brigade sa Barangay Bancasi, ning siyudad sa Butuan.

 

 

Usa kini sa facility alang sa mga kanhi rebeldeng New People’s Army nga mupa-ilalom sa proseso sa reintegration.

 

 

Ang managlahing capacity-building interventions ihatag ngadto sa mga benepisyaryo isip kabahin sa package sa ingon maseguro nga ang mga kanhi rebelde, kaya og andam  nang mure-integrated ngadto sa sosyudad. (Beth Ruiz)