BUTUAN CITY – Nagkahiusa gihapon ang Filipino Community sa The Netherlands taliwala nga lahi-lahi ang mga panglantaw ug position diha sa hisgutanang politika sa Pilipinas labi na usab sa gihimong imbestigasyon sa International Criminal Court (ICC) batok sa kampanya sa war on drugs sa Duterte Administration.
Sa eksklusibong pakighinabi sa Bombo Radyo Butuan, gibutyag ni Bombo International Correspondent Marlon Lacsamana direkta gikan sa The Netherlands, nga kadaghanan sa mga Filipino ang nag-ingong dapat atubangon na ni Pangulong Duterte ang mga gipangbuno kaniya nga isyu labi ang gihimong imbestigasyon sa ICC ug pamatud-an nga kini walay kamatuoran pinaagi sa pag-presenta og mga ebedinsya.
Gibutyag niining bisan daghan sa mga Filipino ang nagsumpaki na o nagkabangi ang paglantaw sa mga issue sa Pilipinas ingon sa posisyon ug aksyon nga dapat himuon sa nasudnong panggamhanan pag-abot sa giatubang sa isyu labi na sa war on drugs, pabilin gihapong nagkahi-usa ug connected ang Filipino Community ug gipatumang bayanihan.
Sigon niini pag-abot sa hisgutanan nga pagtabang sa mga kababayang Filipino nga naglisod sa maong nasud, mupatigbabaw gihapon ang ilang pagtinabangay ug isalindot ang lahi-lahing nga paglantaw sa politika ug isyu nga nagahitabo dinhi sa Pilipinas.
Napamatud-an na matod pa kini sa dugay nang katuigan ug mas napalig-on human mi-igo ang COVID-19 pandemic.
