BUTUAN CITY – Mitaas og 19 porsiento ang ihap sa mga kababayen-an nga mas mopabor sa set-up nga live-in kaysa magpakasal niadtong 2022.
Kini mas taas sa 5 porsiento sa mga kababayen-an nga gusto og puyo-puyo niadtong 1993 base sa survey sa Commission on Population Development.
Base sa National Demographic and Health Survey nga ang 19 percent sa kababayen-an nga mas gusto ang set-up nga live-in dunay pangedarong 15 ngadto sa 49 anyos.
Sumala sa survey sa buhatan mikunhod usab sa 36 percent niadtong 2022 gikan sa 54 percent niadtong 1993 ang ihap sa mga gikasal.
Sigon ni Nestor Castro, usa ka anthropologist, nausab ang panglantaw sa mga Pilipino sa pamilya tungod kay pareho nang nagtrabaho ang magti-ayon ug nakihalubilo sa uban nga mamahimong makaapekto sa relasyon.
