BUTUAN CITY – Pipila ka mga barangay na ning siyudad sa Butuan ang gi-monitor sa Butuan City Water District kon BCWD sa nag-leak nilang tubig gamit ang District Metering Area kon DMA.
Sa pakighinabi ning sibyahan, gibutyag ni BCWD General manager Anselmo Sang Tian nga tulo ka tuig na nila kining gipatuman kondiin pilot area niini ang Brgy. Lumbucan og Masao.
Tumong niini nga ma-monitor nila ang mga lugar nga duna’y nag-leak nga tubig sa ingon ila kining makontrola.
Gawas niini, malikayan usab ang pagpangawat og tubig kondiin magtibo og tubig ang pipila nga dili na ipaagi sa metro.
Ang makontrola matud pa nilang ma-usik nga tubig, madugang sa ilang supply.
Gipasabot sa opisyal nga kada-gabii sila mag-monitor sa dagan sa tubig sa usa ka barangay sulod sa usa ka semana. (Beth Ruiz)
