BUTUAN CITY – Giklaro ni Bayan Muna chairperson Neri Colmenares nga sukad kaniadto hangtud karon, wala pa matubag sa administrasyong Duterte ang iyang mga pangutana kung unsa nga poder sa martial law ang gustong gamiton sa gobyerno human kini gilugwayan sa ikaduhang og usa ka tuig.
Kini ang reaksyon ni Colmenares human mitambong sa gihimong oral arguments kagahapon sa Korte Suprema nga gituyo aron madunggan gikan sa gipatawag nga mga tag-as nga opisyal ang rason sa extension base na usab sa upat ka petisyong nagtumong pagdeklara nga unconstitutional ang ikaduhang extension sa martial law.
Sa pakighinabi ning sibyahan, gibutyag ni Colmenares nga dili isulti sa mga opisyal sa Duterte administration ang rason sa deklarasyon tungod kay dili matud pa tinuod nga ang armadong mga rebeldeng New People’s Army ang ilang target kondili kadtong mga oposisyon og mga wala’y armas nga mga sibilyan nga nagprotesta batuk sa Duterte administration.
Dili lang matud pa kini masulti sa gonyerno tungod kay seguradobng bahaon sila og mga reklamo.
