Suplay sa tubig sa Surigao City, 85% na nga nabalik

Nabalik na matud pa ang 85% sa suplay sa tubig sa syudad sa Surigao.

Sigon ni Ben Ensomo, General Manager sa Surigao Metropolitan Water District, nga ila na matud pang temporaryong napabalik ang suplay sa tubig hilabi na sa sentrong bahin sa syudad sa Surigao.

Hinuon aduna pa gihapon pipila ka mga area nga wala pa nila mapabalik ang water supply tungod na usab sa kadako sa damyos sa mga water pipeline nga nagkonekta niini.

Giklaro usab niini nga temporaryo lamang ug dili pa gyud 24/7 ang suplay sa tubig sa maong syudad tungod na usab sa ilang padayong pag-ayo sa mga ginagmay’ng leaking sa tubo niini.

Posible usab matud pa nga madugay-dugayan pa adiser ma-fully-restored ang katibuk-ang suplay sa tubig sa maong syudad.