BUTUAN CITY – Luwas nga naka-abot sa Vigan City sa lalawigan sa Ilocos Sur ang mga delegado sa Caraga Region alang sa Palarong Pambansa 2018.
Sa eksklusibong pakighinabi sa Bombo Radyo Butuan, gipadayag ni Bernard Calo Abellana, regional sports coordinator sa DepEd-Caraga, padayon pa ang ilang pagplastar kondiin tulo ka mga billeting quarters ang ilang gi-ukupa.
Desi-siete ka mga bus units matud pa ang ilang gisakyan sulod sa siyam ka oras nilang pagbiyahe sugod kagabii hinungdan nga mupahulay usab ang ilang delegado dihang naplastar na silang tanan.
Sa iyang initial assessment, wala pa sila’y nasinatiang problema tungod kay maayo matud pa ang akomodasyon nila samtang ang supply sa tubig, adiser pa nila ma-assess higayong magsugod na og gamit niini ang tanang atleta sa tibuok nasud.
Nanawagan ang opisyal ngadto sa tanang mga ginikanang duna’y anak nga delegado sa padula nga dili angayang mabalaka tungod kay gi-atiman nila kini og maayo og dili usab pasagdan ilabina sa ilang mga panginahanglan. (Beth Ruiz)
