BUTUAN CITY – Giklaro sa Department of the Interior and Local Government kon DILG – Caraga nga si Mayor William Galvez pa gihapon maoy mayor karon sa lungsod sa Trento, Agusan del Sur.
Sa pakighinabi ning sibyahan, gibutyag ni Donald Seronay, Assistant Regional Director sa maong buhatan, nakadawat sila ug impormasyon ning nakalabay’ng semana nga nag-file ang Office of the Ombudsman ug Motion for Reconsideration mahitungod sa unang desisyon nga gipagawas sa Court of Appeals nga nagpawala’y-sala kangkanghi Trento Vice-Mayor Victoria Plaza sa kasong giatubang niini.
Gibutyag ni Serunay nga human nila nadawat ang nasangpit nga impormasyon, ila kining gi-refer ngadto sa ilang legal department ug nagpagawas gilayon ug desisyon ang ilang central office nga magpabilin una isip mayor sa ilang lungsod si Mayor William Galvez samtang dili pa usab makalingkod isip Bise-Mayor si kanghi Bise-Mayor Victoria Plaza hangtud nga dili pa ma-resolba ang gipasakang Motion for Reconsideration sa Ombudsman.
Una nang nasayran nga gi-dismiss sa serbisyo sa Office of the Ombudsman ang Mayor, Bise-Mayor ug ang first councilor sa maong lungsod tungod sa kasong giatubang niini rason nga si William Galvez kinsa maoy 2nd councilor ang milingkod nga kasamtangang Mayor karon sa maong lungsod.
Nasayrang mi-take-oath ning miaging adlaw isip mayor si kanghi Bise-Mayor Victoria Plaza human nga niadtong Pebrero 1, naghatag ug opinion ang ilang opisina nga mamahimo nang subling makalingkod si Plaza sa iyang katungdanan tungod sa gipagawas nga desisyon sa Court of Appeals nga nagpawala’y-sala kaniya. (Mon Aplaya)
