BUTUAN CITY – Gi-inspeksyon sa mga personahe sa Department of Social Welfare and Development kon DSWD-Caraga ang mga bodega nila sa lungsod sa Prosperidad, Talacogon, ug Esperanza, pulos sakop sa Agusan del Sur.
Tumong niini nga mapangandaman og maayo ang prepositioning sa mga essential humanitarian cargoes sa ingon marespondihan gilayon ang kinahanglan ilabina kadtong nakitang kuwang sa gipahigayong inspeksiyon.
Gisiguro usab sa mga kadagkuang opisyal sa ahensya ang saktong ventilation ug kaluag sa sulod aron maplastar ug mabutang sa maayong kondisyon ang mga relief items sama sa food and non-food items.
Human sa maong inspeksyon, nasuta sa mga opisyal sa DSWD-Caraga nga ang mga bodega sa tulo ka munisipyo, pasado sa ilang ‘highest standards of preparedness.’
