BUTUAN CITY – Gikumpirma sa Armed Forces of the Philippines kon AFP nga duna nay pagtugot ang mga bakwit nga mobalik sa ilang tagsa tagsa nga pinuy-anan.
Sa eksklusibong pakighinabi sa Bombo Radyo Butuan kang Leutenant Romalyn Cabiles – Civil Military Operations kon CMO officer sa 29th Infantry Brigade Philippine Army, gibutyag niining gihatagan na nila ug clearance ang mga bakwit sa Zapanta, Kitcharao Agusan del Norte ug Purok Tagkiling sakop sa Brgy. Anticala ning dakbayan sa Butuan aron mobalik na sa ilang lugar apan nagdumili pa sila tungod sa kahadlok sa presensya sa mga rebeldeng New People’s Army kon NPA.
Base sa ilang nakuhang impormasyon, aduna matod pa’y mga rebeldeng nagpa-ilang sundalo og nagmando sa mga tawo nga dili usa mubalik sa ilang lugar.
Dili matod pa nila mapugos ang mga bakwit nga paulion kinsa kahadlok pa sa presensya sa mga rebeldeng NPA sa ilang dapit. (Beth Ruiz)
