BUTUAN CITY – Gitahasan sa Department of the Interior and Local Government (DILG) si Bulacan Governor Daniel Fernando, nga isurender ang mga armas nga nakapangalan kaniya, lakip na usab ang mga armas sa iyang escorts ug mga sakyanan nga nalambigit sa matud pa road rage sa North Luzon Expressway.
Sigon ni DILG Secretary Jonvic Remulla, nga gelayon niyang gitawagan si Fernando human madawat ang taho.
Sigon niini nga duna gayuy batasan si Fernando nga kung mobiyahe sa NLEX sakopon niya ang upat ka linya sa NLEX rasong walay puwedeng mag-overtake.
Una nang gikataho nga anak matud pa ni Pangulong Ferdinand Marcos Jr ang nalambigit sa road rage nga hugot nga gipanghimakak usab sa Malakanyang.
Mihimo na usab ang Land Transportation Office (LTO) og imbestigasyon mahitungod sa nasangpit nga insidente.
