BUTUAN CITY – Ubay-ubay nga mga armas og mga gamit panggiyera an narekober sa kasundaluhan sa ilang paglusad og pursuit operations batuk sa nanibat nga mga rebeldeng New People’s Army kon NPA.
Sigon ni 2nd Lt Jonel Castillo, tigpamaba sa 30 Infantry Battalion, Philippine Army nga nakabase sa Surigao del Norte, usa ka improvised explosive device ang mibusikad atol sa engkwentro sa Brgy. Tinago, lungsod sa Malimono nga mi-angol sa usa ka army junior officer.
Nasuta nga sa pagsbat sa mga rebelde, ang ilang gibiyaang encounter site, kampo diay sa mga rebelde diin narekober ang mga gamit sa giyera sama sa usa ka M16 rifle na duna’y mga magazines og mga bala, usa ka AK47 magazine nga duna’y mga buhing bala, upat ka mga improvised land mines, upat ka mga rifle grenades, 13 ka mga backpacks, pipila ka metros nga electrical wires, usa ka M14 bipod, dry cell batteries, usa ka NPA flag, 15 ka mga hammocks nga duna’y gi-instalar nga 15 ka mga poncho tents, duha ka mga UHF radios, pito ka paresan sa mga butas, duha ka kerosene stoves, duha ka kaldero, 15 ka kilong bugas, nagkada-iyang tambal og medical paraphernalia, og mga subersibong dokumento og nabiyaang mga personal nga gamit.
Ang presensya matud pa sa NPA sa Brgy. Tinago usa ka klarong tima-ilhan nga duna’y daghang kakuhaan ang mga rebelde sa komunidad alang sa ilang extortion activities. (Beth Ruiz)
