BUTUAN CITY – Giklaro ni kanhi Butuan City Councilor Ryan Anthony Culima kinsa apil sa delegasyon sa pangulo sa Israel nga kinahanglanon sa Pilipinas ang mga armas og radar sa maong nasud.
Sa eksklusibong pakighinabi sa Bombo Radyo Butuan, gipasabot pa ni Culima nga ang Israel ang dunay pinaka-advance nga teknolohiya sa natad sa gamit pang-giyera nga kinahanglangon sa nasud aron masanta ang mga mikontra sa estado.
Padayon karong gitan-aw sa delegasyon ni Pangulong Rodrigo Duterte ang mga armas og radar nga mamahimong paliton sa Pilipinas.
Nasayrang ang Israel usa ka gamay nga nasud lang sa Middle East apan nadag-an niini ang daghang giyera batuk sa mga Arab nations nga nagpalibot niini sama sa Jordan, Egypt, Syria ug Lebanon.
Ang Israel usab ang bugtong dunay anti-missile defense system nga gitawag og “IRON DOME” aron dili mamahimong mo-igo ang bisan asang parte sa territoryo niini sa buhiang mga missiles ug rockets gikan sa ilang mga kaaway. (Melody Valledor)
