BUTUAN CITY – Ipa-ilalom sa ballistic examination sa PNP crime laboratory ang mga nakumpiskang armas sa gihimong raid bandang alas-6:30 kagabii sa balay ni Zenin Bautista Gilwagan, minyo og residente sa Bridgetown, Bgry. Villa Kananga ning siyudad sa Butuan aron masusi ang serial number og legalidad niini.
Sigon ni P/Supt. Tiolejunn Caduyac sa Criminal Investigation and Detection Group kon CIDG-Caraga, duna’y mga dokumentong gipakita ang suspect alang sa nakumpiskang usa ka kalibre 38 revolver nga duna’y lima ka mga bala sulod sa sakyanan ni Gilwagan apil na ang usa ka KG-9 assault pistol nga duna’y tulo ka mga magazines nga kargado og bala og mga accessories sa kwarto niini.
Gawas pa kini sa lima ka mga Glock pistols nga loaded na magazine nga puno sa mga bala nga anaa pa sulod sa ttache case kansa duna’y duha ka mga reserved magazines pa sa matag-yunit og duha ka kahon sa mga bala sa kalibre.45 nga pistola.
Ipadala usab nila ang maong mga armas alang sa verification sa mga dokumento niini sa Camp Crame.
Gihimo ang raid base sa search warrant nga gipagawas sa Municipal Trial Court Judicial Regional Branch 2 nga nakabase sa Brgy. Libertad ning siyudad sa Butuan tungod sa paglapas sa RA 10591 kon mas nailang Comprehensive Firearms and Ammunition Regulation Act. (Melody Valledor)
