BUTUAN CITY – Laing pagpamusil na usab ang natigayon sa probinsiya sa Agusan Del Norte kagabii diin target niini ang aktibong miyembro sa progresibong grupo.
Bandang alas 11:42 sa gabii, duha ka naka-bonnet nga riding-in-tandem suspek ang kalit mirapido sa tindahan ni Imelda Gagap,48-anyos, mag-uuma, ug kanhe barangay kapitan sa Maraiging, Jabonga, Agusan del Norte.
Naka-survived ang biktima sa maong pag-atake samtang ang mga suspetsado, daling malampusong nakasibat pinaagi sa national highway bisan paman sa presensiya sa military sa maong barangay.
Nasayrang si Imelda usa ka aktibong miyembro sa Unyon ng mga Mag-uuma sa Agusan del Norte-Kilusang Magbubukid ng Pilipinas kon UMAN-KMP. Ilado usab kini isip kritiko sa nanga-gi ug nagpadayong military operations sa 29th Infantry Batallion, Philippine Army.
Mahinumdumang niadtong Nobyembre 23, 2017, mga alas 6:00 sa buntag, usa ka Vivencio Sahay, unang chairperson sa UMAN-KMP sa Brgy. Calamba, Cabadbaran City, Agusan Norte ang gipusil patay sa wala mailang suspetsado sulod sa iyang panimalay sa Brgy. Calamba.
Samtang niadtong Nobyembro 16, 2017, ang UMAN-KMP peasant leader ug UCCP lay pastor nga si Perfecto Hoyle, ang gipusil patay usab sa duha ka naka-bonnet nga gunmen sa Brgy. Canaway, Kitcharao, Agusan del Norte.
Nasayrang sukad niadtong Hunyo 2017, 5 na ka mga maguuma ang gipatay sa rehiyon sa Caraga.
