BUTUAN CITY – Giklaro ni Jose Balinquit, Provincial Manager sa National Food Authority kon NFA-Agusan Del Norte nga makapalit pa og NFA Rice ang mga Agusanons.
Sumala sa opisyal sa pakighinabi ning sibyahan, anaa sa estratehikong lugar ang 76 ka mga NFA outlets og dili basta kini mahurot bisan pa man nga mas gamay ang stocks karon kumpara sa ni-aging tuig.
Lakip sa hinungdan niini mao ang pagkawala sa direct importation gikan sa Vietnam nga ang disbursement kaniadto gihimo sa Surigao City apan karon didto na sa Cagayan De Oro City.
Nanghinaot na lang ang opisyal nga matugutan na ang naka-standby nga 250-mil ka metrikong toneladang importasyun niini aron maseguro ang igong suplay ilabina kay maghatagan sila ug bugas sa Marawi City gawas nga anaa pa ang stock positioning sa Department of Social Welfare and Development kon DSWD.
Samtang gipaneguro sa opisyal nga padayon silang mag-monitor sa presyo sa NFA og commercial rice diin hangtud sa karun wala silay nakitang iregularidad niini. (Rolan Janea)
