BUTUAN CITY- Naluwas sa kamatayon si Barobo, Surigao del Sur Mayor Ronito Martizano human gi-ambush sa mga armadong lalaki kagahapon sa hapon Martes Pebrero 3, 2026 sa Barangay Dughan samtang pauli gikan sa Panaraga Resort kansa mag-reopen unta karong Sabado.
Sumala ni Ron Balaba, empleyado Barobo Local Government Unit kon LGU, gikan matud pa gibisita ni Mayor Martizano ang Panaraga resort sakay sa van nga gipanag-iyahan sa LGU kauban ang pito ka-kaubanan nga gilangkoban sa mga sibilyan, trabahente sa LGU ug close in Buddyguard sa Mayor lakip na ang driver.
Sigon pa niini, nga dihang pa-ingon na pauli ang Mayor aduna matud pay kalit nga ming-atang, nga usa ka puti nga auto ug single motor nga gisakyan sa mga armado dayong gipa-uwana og bala ang sakyanan sa mayor diin base matud pa sa ilang nakita, usa ka caliber .45 nga pistol ug long firearm ang gigamit sa mga suspek.
Matud ni Balaba, nga 8 ka-bala ang gipabuto nga miigo sa van, gani na-igo sa abaga ang Mayor ug ang usa ka retired scout ranger nga escort niining si PFC Khevin Mark Claridad gikan sa Philippine Army 67th Infantry Battalion, samtang ang uban wala masamdan. Tungod sa paspas nga aksyon sa mga security escort, nakagawas ang van bisan pa nga gibabagan ug naka-diretso gilayon kini paingon sa lungsod sa Barobo.
Gibutyag usab niini, nga niadtong sabado aduna kini gihimong raid sa usa ka illegal large-scale mining nga gipadagan sa mga Intsik sa Barobo, butang nga gitan-aw nilang rason sa natigayong pagpang-ambush ingon usab sa politikal nga aspeto, tungod kay sa wala pa ang election aduna na matud pay init nga panagbangi sa election diin mingdaog ang Mayor nga walay kwarta batok sa kwartahan.
Gibulgar usab ni Balaba, nga sa wala pa ang insidente, nakadwat na ang Mayor og death threat may kalabotan sa pagpasira niini sa illegal mining.
Kahinumduman, niadtong miaging adlaw, siya mismo ang nanguna sa pagkumpiska sa mga kagamitan sa mga Chinese nationals nga giingong nag-illegal mining sa Brgy. Tambis. Gani, wala maabti sa Mayor ang mga Chinese nationals, apan gipadayag sa niini ang iyang hugot nga pagsupak sa maong kalihukan ug maisugong mipadayag nga atubangon niini ang mga ilegal miners o magkita sila sa korte.
