BUTUAN CITY – Ning depensa ang lider sa Transport Group nga MANIBELA nga si Mar Valbuena mahitungod sa rekomendasyon sa pipila ka mga state prosecutors nga pasakaan matud pa siya og kasong cyberlibel.
Kini human gipagawas ang 17 ka palid nga resolusyon ni Assistant Prosecutor Maria Kristina Paat-Salumbides kansa nagbutyag sa rekomendasyon sa pagpasaka og kaso kontra kang Valbuena alayon na sa two counts sa violation niini sa RA 10175 o ang Cyber Crime Prevention Act.
Kini human gikabutyag sa kanhi opisyal nga si Land Transportation Franchising and Regulatory Board Senior Executive Assistant Jeffrey Tumbado mahitungod matud pa sa mga anomalya sulod sa ahensya. Diin nagpagawas usab si Valbuena og pamahayag niini sa social media diin giakusahan niini og korapsyon si Department of Transportation Secretary Jaime Bautista.
Sigon sa lider sa MANIBELA, “genuine expression of opinion” ug “protected speech” lamang ang pamahayag niini kaniadtu nga naka-address matud pa sa usa ka public figure ug officer.
Apan sumala sa Department of Justice, ang maong mga pahayag ni Valbuena kay libelous tungod sa pagpkaulaw niini.
Alayon niini, gibasura sa piskalya ang mga kasong gihaon batuk kang Valbuena kalabot na sa grave threat tungod kay dilli man usab matud pa hulga natok kang Bautista ang maong mga pamahayag.
