BUTUAN CITY – Nakatakdang motambong karung adlawa sa regular sesyon sa Sanguniang Panglungsod ning siyudad sa Butuan, ang usa ka hardenero sa inilang mall ning siyudad aron mamahayag human sa iyang walay duha-duha nga pag-uli sa nakit-ang dakong kantidad sa kwarta.
Sigon ni Butuan City Councilor Ferdinand Nalcot, Chairman sa Committee on Social Services sa maong hawanan, gi-imbitahan si Jeicel Cupin sa ilang panagpulong karung adlawa isip kabahin sa pagpasidungog niini tungod sa pag-uli sa napunitan nga bag nga dunay sulod sa kapin 60-mil pesos nga cash sa niaging semana.
Lakip sa gi-imbitar sa gipadalang sulat nga pirmado ni Vice Mayor Joboy Aquino, ang kadumalahan sa nasangpit nga mall og ang nanag-iya sa kwarta.
Una nang girekomenda ang paghatag ug pasidungog ni Cupin nga taga-Brgy. Libertad ning dakbayan tungod sa kamaayong tawo niini diha sa pag-oli sa maong kantidad nga gipanagiyahan sa 79-anyos nga si Eliseo Oliverio, residente sa Buenavista, Agusan del Norte.
Nasayrang gipadala ang maong kantidad sa iyang anak nga anaa sa abroad ug alang sa iyang asawa nga anaa sa ospital. (Rolan Janea)
