BUTUAN CITY- Wala pay nakita nga hulga ang Malacañang sa “energy lockdown” o kakuwangon sa suplay sa kuryente ug lana sa nasud taliwala sa minggrabe nga panagbangi sa Middle East.
Sumala ni Palace Press Officer Undersecretary Claire Castro nga sa kasamtangan layo pa ang nasud sa sitwasyon sama niadtong dekada ’70 nga adunay fuel rationing ug carless days.
Sigon sa Palace Official, isip parte sa contingency plan sa administrasyong Marcos, aktibong nangita ang Department of Energy (DOE) ug Department of Foreign Affairs (DFA) og mga alternatibong makuhaan og petrolyo nga wala magsalig sa Middle East.
Gihisgutan usab ni Castro ang pamahayag ni DOE Undersecretary Sharon Garin diin asa kasamtangan na matud pang nakig-diyalogo ang Pilipinas sa mga nasud nga India, Argentina, ug Canada aron masiguro nga padayon ang imbentaryo sa lana sa nasud.
Dugang pa ni Castro, nga samtangang nagsalig ang panggamhanan sa usa ka diplomatikong resolusyon tali sa sa mga nagkagubot nga nasud, wala minghunong ang Presidente sa pagpangandam aron malikayan ang bisan usang worst-case scenario nga makapa-antos sa mga Pilipino.
