Mahigit 5-k katao, nagsilikas sa Caraga dahil sa Bagyong Vinta

BUTUAN CITY – Misaka na sa 7,643 ka mga inidibidwal kon 1,649 ka mga pamilya ang nanghikling sa tibuok Caraga Region tungod sa Bagyong Vinta.
Sa nakuhang datus gikan sa Office of the Civil Defense kon OCD-Caraga, mi-abot 26 ka mga evacuation centers na ang gigamit sa tibuok rehiyon ug gipuy-an karun sa nanghikling nga mga pamilya.
Miabot usab sa halos 400 ka mga pasahero ang estranded karun sa pantalan sa Surigao ug gidala na sa 2 evacuation center samtang 27 ang stranded sa pantalan sa Nasipit nga natunulan na og tabang sa lokal nga kagamhanan.
Samtang 20 na mga barko ang mitago sa Nasipit Port, sa lalawigan sa Agusan Del Norte nga gilangkuban sa usa ka de-pasahero nga padulong unta sa Bohol kagabii ug mga cargo vessels sa mga mining companies.
Samtang suspendido na usab ang klase sa tibook Caraga apil na ang trabaho sa pampublikong opisina.
Hugot usab nga nagpahinumdum si Amando Gomez, information officer sa provincial government sa Agusan Del Sur, sa mga residente nga maminaw ug musunod sa direktiba sa mga personahe sa disaster council aron dili mahisama sa nahitabo sa biliran province. (Rolan Janea)