BUTUAN CITY – Robbery ang nakitang motibo sa kapulisan sa kamatayon sa usa ka Magtutudlo sa Bayugan National Comprehensive High School.
Sumala pa ni Police Chief Insp. Darwin Yu, Office-in-Charge sa Bayugan City Police Station, nakita nalang nga wala nay kinabuhi ug dunay 5 ka dinang-guban sa kalawasan ang biktima alas 12:00 kagahapon sa udto sulod sa iyang panimalay sa P-24, Poblacion, Bayugan City, probinsiya sa Agusan Del Sur.
Naila ang biktima nga si Nalson Orajay, 48-anyos, usa ka gay og dugay nang nagtudlo sa maong tunghaan.
Nakit-an nalang ang patay’ng lawas sa biktima sa dihang gisusi kini sa iyang kaubanang magtutudlo human wala makatunga sa eskwelahan.
Pagbutyag pa ni Police Chief Insp. Yu, base sa ilang pakisusi ngadto sa mga silingan, mga alauna pa sa kaadlawon nahitabo ang kremin diin nakit-an ang usa ka lalaki nga migawas gikan sa panimalay sa suspek apan wala kini panumbalinga sa mga silingan tungod kay na-anad naman silang dunay mga tawo sa iyang panimalay sa maong mga oras.
Nasutang nawala nang personal na mga gamit sa biktima, sama sa kwarta ug cellphone hinungdang robbery ang gisubay nila nga motibo.
Sa karun, padayon ang ilang pag-ila sa mga tawong gikauban sa biktima adiser nahitabo ang kremin.
