-- ADVERTISEMENT --
BUTUAN CITY – Igo na lang sa pagsubo ang pamilya Pareñas human namatay ang mag-inahang Sharrie, 45-anyos ug 11-anyos niining anak nga si alyas Jayra dihang nasunog ang Agreda Funeral homes, sa Purok 2-A, Brgy. South Poblacion, Maramag, Bukidnon, kagahapon sa ala-una sa kaadlawon.
Migawas sa imbestigasyon sa Maramag Bureau of Fire nga nakagawas na unta ang inahan sa balay, apan sa dihang iyang nadiskobrehan nga tulog pa ang iyang kinamanghurang anak sa 2nd floor sa punerarya nga maoy ilang gipuy-an, iya kining gibalikan hinungdan nga wala na makagawas pa dihang paspas nga misila-ob ang kalayo.
Subay sa inisyal nga imbestigasyon, ang nagsila nga kuryente maoy gitu-uhang hinungdan sa sunog nga midamyos og P800,000.00.
