BUTUAN CITY- Gikomperma sa epidemiology and surveillance unit sa Mandaluyong City nga aduna silay kaso sa mpox o monkeypox.
Sa ilang public advisory nakigtambayayong na ang ilang mga opisina sa mga lokal ug reginal health office aron mahimo ang mga health protocols lakip ang case investigation, contract tracing, risk assessment ug monitoring sa mga close contacts.
Wala na usab minghatag pa og unsang impormasyon ang Mandaluyong City Government kung asa ug unsa nagsugod ang kaso sa Mpox.
Ang Mpox usa ka infectious disease nga gikan sa monkeypox virus.
Motakod kini pinaagi sa tao o gikan sa mananap padulong sa tao.
Ang sakit posibleng mapasa pinaagi usab sa close contact sa usa ka tao nga infected sa maong sakit o pinaagi sa mga gipangkuptan niini.
Moresulta kini sa sintomas sama sa hilanat, sakit sa ulo, sakit sa likod, muscles ug fatigue.
Gibutyag na usab sa World Health Organization (WHO) nga kasagari ang kaso sa pagkamatay sa mga nataptan sa MPOX.
