BOMBO BUTUAN – Gilusad sa Butuan City Post Office ang Love Express 2018 isip pakulo sa maong buhatan sa pagsaulog sa Valentines Day karong adlawa.
Sa pakighinabi ning sibyahan, gibutyag ni Glenda Malunay, OIC Postmaster sa PhilPost – Butuan, nga ilang gilusad karong adlawa ang Valentines day Delivery of Gift Items ngadto sa mga hinigugma nga buot padalhan sa mga magpadala pinaagi niini nga programa.
Sigon niini, nga aduna sila’y mga items nga kapilian sa ilang mga kliyente aron nga ilang ipadala pinaagi sa express delivery.
Mudawat usab sila ug gikan mismo sa magpadala nga mga gift items basta mubayad lang sa delivery fee ang magpadala.
Gilangkuban matud pa sa mga chocolates, balloon, buwak, ug aduna usab sila’y singing kartero alang niadtong buot nila ipaharana ang ilang mga hinigugma.
Subay niini, muadto lamang sa Butuan City Post Office ang mga interesado aron nga makuhaan ug detalye ang ilang buot padalhan sa gift item.
Dugang pa sa opisyal, nga dili lang ni karon nga tuig gihimo ang nasangpit nga aktibidad.
Matud pa nga kapin 10 ka tuig na ni nga pakulo sa ilang opisina panahon sa Valentines Day.
Hinuon, gipaneguro niini nga muabot gyud sa padal-an sa tukmang oras ang ilang mga ipadala karong adlawa tungod kay aduna na sila’y gi-designate nga mga postman karong adlawa alang niini nga aktibidad.
