BUTUAN CITY – Gikulata sa Los Angeles Lakers pinaagi sa overtime nga kaduagan ang Houston Rockets sa iskor nga 112-108 sa ilang Game 3 sa nagpadayong playoffs sa NBA.
Tungod niini, abante na ang Lakers sa 3-0 og usa nalang ang gikinahanglan nga duag aron maka-abante na sa sunod nga round.
Misandig ang Lakers kang Lebron James nga mikolekta og 29 puntos, 13 ka rebounds, 6 ka assists og 3 ka steals.
Gisandigan gihapon sa koponan ang 41-anyos nga si James samtang wala pa gihapon makadula sila Luca Doncic og Austin Reaves.
Nasayrang sa regulation, nakahimo og game-tying three pointer si James sa nahabiling 13.6 minutos human usab niya na-steal ang bola.
Wala na niini napadaug ang potential nga game winner apan sa overtime, mikolekta na usab kini og steal og block aron dalhon ang lakers sa kadaugan.
Dunay tsansa na ang Lakers nga maka-abante sa sunod nga round karung lunes ugaling mapildi ang Houston Rockets.
Sa Rockets, wala gihapon makadula si Kevin Durant tungod sa sprained ankle injury diin si Alperen Sengun ang nanguna pinaagi sa 33 puntos og 16 rebounds.
