BUTUAN CITY – Patay ang usa ka 61-anyos nga lola human gisulayan pagluwas ang duha niya ka mga apo nga iyang nakitang gidala sa kusog nga sug sa dagat uban sa dagkong balud didto sa Sitio Cabaclan, Brgy Inayawan, lungsod sa Cauayan, Negros Occidental kagahapon.
Sigon ni Petty Officer Aiden Trabasas, sub-station commander sa Philippine Coast Guard-Cauayan, una silang nakadawat og tawag gikan sa usa ka barangay kagawad kalabot sa na-anod nga 6-anyos nga batang lalaki nga daling gitabang sa 16-anyos niining kabanay nga dalagita.
Dihang wala na makaya sa dalagita ang dagkong balud, dali silang gisulayan pagluwas sa ilang lola kinsa wala usab makakaya sa dagkong balud rason nga dali silang giluwas sa miresponding mga rescuers ug gidala sa ospital apan nakabsan gihapon sa ilang kinabuhi.
Daling gilusad ang search and rescue operation alang sa 6-anyos nga bata kansa napalgan taliwa sa mga bato paglabay sa pipila ka oras ug gidala pa sa ospital apan gideklarang dead on arrival.
