BUTUAN CITY – Nakumpirma sa latest laboratory results sa Bureau of Fisheries and Aquatic Resources kon BFAR kauban ang mga Local Government Units kon LGUs nga pabiling positibo sa hilo sa paralytiko ang mga kinhason Lianga Bay sa Surigao del Sur.
Lakip na niini ang Irong-irong Bay sa Western Samar; baybayon sa Leyte ug Carigara Bay sa Leyte; Honda Bay, Puerto Princesa City sa Palawan; ug sa baybayon sa Milagros sa Masbate.
Tungod niini padayon ang pahimangno sa BFAR nga dili luwas sa publiko ang pagkuha, pagbaligya, pagluto ug pagkaon ug kinhason susama sa tahong, uyap ug uban pang klase sa mga pagkaong-dagat subay sa regulatory limit.
Hinuon nagpadayon ang ilang sampling sa mga kinhason nga gikan sa nagkadaiyang parte sa rehiyon aron masiguro kung luwas ba o dili ang pagkaon ug mga kinhason susama sa tahong. (Kevin Linaac)
