BUTUAN CITY – Mihimo og kasaysayan bisan paman sa gipamating arthritis sa wala nga tiil ang 41-anyos na NBA star nga si LeBron James.
Gianusyo sa Los Angeles Lakers ang pagapil ni James, kauban sila Luka Doncic nga dunay gipamati usab nga pagsakit sa balakang ug Austin Reaves nga game-time decision tungod sa injury sa braso.
Natabla ni James ang dugay nang record ni Robert Parish nga nakatala niadtong 1996 nga dunay 1,611 games.
Sa ilang katapusang away batuk sa Houston Rockets, natala ni James ang 13-of-14 shooting, usa sa pinakamaayong performance sa iyang karera ug mitabang sa kadaugan sa Lakers.
Human ang dula sa Houston, miabot ang Lakers sa Miami sa kaadlawon apan nagdisesyon sila James, Doncic, ug uban pang magdudula nga modula gihapon batuk sa Heat.
Para kang Lakers coach JJ Redick, kini pamatood sa taas nga kumpiyansa ug dedikasyon sa koponan.
Si Robert Parish usab nga nakasulod sa Hall of Fame niadtong 2003, nagbutyag nga walay angayang makalabaw sa iyang “Ironman record” kundi si LeBron James.
Gawas sa games played, gihawiran usab ni James ang nagkadaiyang NBA records lakip na ang pinakadaghang puntos, minutos, field goals, ug pinakadaghang seasons (23), All-Star selections (22), ug All-NBA team selections (21).
