BUTUAN CITY – Gikalipay na sa local designer nga si Klevin Bartolaba nga nahimo siyang honorable mention og finalist sa HabiKadayawan 2019 nga gipahigayon sa Davao City.
Sa eksklusibong pakighinabi sa Bombo Radyo Butuan, gibutyag ni Bartolaba nga kini ang unang higayon nga duna’y ‘Looks Apparel of the Day’ design competition nga gipahigayon kondiin siyam sila ka mga finalists nga gikuha pa sa mga organizers gikan sa managlahing parte sa Mindanao rason nga mi-agi sila og screening.
Gidugang ni Bartolaba nga ang ubang mga finalist designers duna na’y mga dagkong pangalan sa fashion industry tungod kay nangdaog na kini sa mga national competitions.
Ang iyang suod nga higala matud pa nga taga-South Cotabato ang nakadaog samtang taga-Cagayan de Oro og Davao City ang nahimong runners-up.
Iyang gidugang nga sa sayong mga oras pa lang sa mismong finals day, gipa-ilalom sila sa closed-door interview sa mga panel of judges.
Nabati niyang interesado matud pa ang mga judges sa istoryang iyang gi-relay kalabot sa iyang mga gidensyong sapot kon collection gikan sa Lapaknon tribe nga iyang gi-introduce sa fashion industry.
Apil niini ang “Tinangpuso” formal casual dress (tuong bahin sa hulagway) nga nagpatin-aw sa gahom sa kababayen-an sa kasamtangang panahon kinsa wala makalimot sa ilang gigikanan sama sa naka-terno sa pattern nga nagtimaan sa pamilya.
Anaa usab ang “Tu-og” tube dress (tunga) kansa kuha gikan sa usa ka klase sa kahoy nga locally grown kansang pisikal nga talan-awon, taas uban sa mga dahon sa ibabaw kansa nagsimbolo sa pagpanganaw-kanaw sa kababayen-an og muhimo og kala-inan sa kasamtangang panahon.
Apil pa sa iyang koleksyon ang “Kinamagsi” formal casual (wala) nga kuha gikan sa pinasahing buwak nga komon nga mutubo tupad sa Agusan human og baha.
Iyang giklaro nga ang paghatag og tribute ngadto sa orihinal kaliwatan sa tribung Lapaknon, ang iyang koleksyon nagmostrar sa kababayen-ang women mipa-ilalom sa managlahing impluwensya apan wala makalimot sa ilang gigikanan.
