BUTUAN CITY – Planong magpahigayon ug hearing ang Sangguniang Panlungsod subay sa nahitabong pagkalangan sa delivery sa mga uniporme alang sa mga atleta sa Butuan City Athletic Delegation subay sa opening ceremony sa 21st Caraga Regional Athletic Meet kagahapong adlawa.
Sa pakighinabi ning sibyahan, gibutyag ni Butuan City Councilor Glen Carampatana, chairman sa Committee on Education sa Sangguniang Panlungsod, nga ila pang I-verify ngadto sa supplier kung ngano wala nila ma-deliver sa insakto ang mga uniporme alang sa mga atleta sa Butuan City Division.
Sigon niini, nga i-review usab nila ang time line sa procurement process aron masayran kung asa posible nalangan ang pagdeliver sa maong mga uniporme aron makahimo usab ug mga rekomendasyon aron nga dili na masubli pa ang maong insidente.
Hinuon, gitin-aw niini nga wala nagkulang o nalangan ang Sangguniang Panlungsod sa paghimo ug aksyon alang sa pagrelease sa pondo nga maoy pagagamiton sa mga delegado sa Butuan City Division alang sa 21st CRAM hilabi na ang alang sa ilang mga uniporme tungod kay ila gilayon kining gihatagan ug pagtagad.
Subay niini, na-deliver ra hinuon matud pa ang nasangpit nga mga uniporme ngadto sa mga atleta kagahapong adlawa human sa opening program. (Mon Aplaya)
