BUTUAN CITY – Nagpabilin pa karun sa Agusan Del Norte Provincial Hospital ang usa ka lalaking na-rescue human kini nalumos sa dihang nagligo-ligo sa kadagatang bahin sa Barangay Masau ning siyudad sa Butuan.
Naila ang biktima nga si Joseph Murillo, hingkod ang panuigon ug residente sa may Purok-Kaugmaon, Barangay Agusan Piqueño ning dakbayan.
Naluwas kini sa mga rescuer nga naka stand-by sa mga beach resort sa maong barangay ning adlaw sa pagkabanhaw.
Sumala pa sa pagsaysay ni Eric Mahinay, 30-anyos ug silingan sa biktima, kauban silang naligo sa biktima diin apil na ang pag-inom-inom niini.
Gipapauli matud pa niya ang anak sa biktima apan sa dihang pagbalik, nakita nalang niini ang amahan nga nalumos na hinungdang dali nila kining gi-rescue.
Sumala pa niini, nagbuwa-buwa na ang baba sa biktima, nga mas maayo nalang kay dunay naka-stand-by nga mga personahe sa City Disaster Risk Reduction Management Office kon CDRRMO og daling natabang ang biktima nga gidala sa balay-tambalanan.
