BUTUAN CITY – Gi-andam na ang mga dokumento sa pagpasaka og kasong murder  batuk sa suspek nga midunggab-patay sa iya rang kuabanan sa tagay kagahapon sa alas 4:30 sa hapon sa may Purok-4, Barangay Kinamlutan ning siyudad sa Butuan.

Giila ni Police Staff Seargent Bernard Amora sa Butuan City Police Station-3, ang biktima nga si Rodrigo Laurito, 57-anyos nga balo og residente sa mao rang dapit samtang ang suspek mao si Junnie Tinicang Alunaid, olitawo, 47-anyos og iya rang silingan.

Sumala pa ni Amora, gikan sa birthday ang duruha diin naka-la-la kini sa ilimnong makahubog.

Nagkalalis ang mga niini rasong milikay nalang ang biktima pinaagi sa pagpauli apan gisundan kini sa suspek dayong luba gamit ang taas nga sundangay.

Nakahiagum ug 12 ka samad dinunggaban ang biktima gidala sa Agusan Del Norte Provincial Hospital apan gideklarang dead-on-arrival sa attending physician nga si Dr. Cathy Avila.

Daling nasikop usab ang suspek nga gikustudiya sa Butuan City Police Station-3 alang sa tukmang disposasyon.