-- ADVERTISEMENT --
BUTUAN CITY – Patay nang nakaplagan ang usa ka lalaki nga patabok pa unta sa suba sa Purok 7, Brgy. Puting Bato, Cabadbaran City, lalawigan sa Agusan del Norte kaganinang alas-10:00 sa buntag.
Naila ang biktima nga si Marnulfo Peñaflor, 48-anyos, residente sa Purok 1-A, Brgy. Calibunan sa maong siyudad.
Migawas sa inisyal nga imbestigasyon ngadto sa ka-uban sa biktima nga patabok na unta sila sa suba dihang kalit na lang na-anod sa kusog nga bul-og sa tubig-baha ang biktima nga gisulayan pa pagluwas apan wala na kini ma-apsi pa.
Nakita nalang ang patay’ng lawas niini nga naglutaw-lutaw na sa Brgy. Katugasan kaganinang ala-1:00 kapin sa hapon.
