-- ADVERTISEMENT --
BUTUAN CITY- Usa ka lalaki, nagtuo nga aduna kini special power, human matud pa pirming makatagna kung mo-ulan. Sumala sa maong lalaki, matag makabati siya og kasakit sa iyang tuhod, sigurado na matud pa nga mosunod na ang pag-ulan.
Tungod niini, nagtuo kini nga aduna siyay ‘weather forecasting ability.’ Apan, matud pa sa pipila ka silingan, dili kini misteryo kondili normal lamang nga reaksyon sa lawas ilabi na kung mag-usab ang panahon o mo-init ug mo-ulan.
Bisan pa niini, gihimo na lang kini og kataw-anan sa komunidad ug gitawag siya sa uban nga ‘human weather station.’ Sa karon, padayon gihapon ang lalaki sa iyang pagtuo nga ang iyang tuhod maoy pinakasaligang basihan sa pagtagna sa ulan.
