BUTUAN CITY- Nagtuo si Senate President Pro Tempore Panfilo “Ping” Lacson nga kinahanglang balikan ug tuki-on pag-ayo ang mga lagada sa senado aron matubag ang padayon nga pag-abset ni Senator Ronald “Bato” Dela Rosa sa mga sesyon.
Sumala ni Lacson, posible nga hisgutan pag-ayo ang maong isyu sa nakatakdang all‑senators’ caucus sa ugmang adlawa Lunes, Pebrero 23, 2026. Giklaro sa senador nga adunay kasamtangang palisiya ang senado kalabot sa padayon nga pag-absent sa mga hearing sa komite, kung asa posibleng mawala ang committee membership sa usa ka senador. Bisan paman, wala matud pay susama nga probisyon alang sa pag-absent sa plenaryo.
Kahinumdumang wala na mingsulod si Dela Rosa sukad pa naidtong Nobyembre sa mi-aging tuig kung asa nagtago matud pa kini human gipadayag ni Ombudsman Jesus Crispin Remulla nga adunay gipagawas nga arrest warrant ang International Criminal Court kon ICC batok sa lsenador kalabot sa pagkalambigit niini sa Drug campaign sa kanhi Administrasyon.
Kalabot niini, una na usab gihisgutan sa ICC sila Dela Rosa ug Senator Bong Go isip “co-perpetrators” ni kanhi Pangulong Rodrigo Duterte. Samtang, sigon pa nii Lacson, nga nahisgutan na sa mga senador ang ilang posibleng lakang apan wala pay nasabotang konkretong aksyon.
