BUTUAN CITY – Gipangunahan mismo nila Land Transportation Office kon LTO Chief Assistant Secretary Atty. Vigor D. Mendoza II og LTO Ambassadress 2024 Mary Veronmich Amano ang Kick Off Program sa Road Safety Month dinhe sa siyudad sa Butuan sa may Jose S. Aquino Sr. Multi-Purpose Bldg. sa Brgy. Libertad, Butuan City.
Nasayran ngagideklarang Road Safety Month karun ang Mayo 2024, alayon sa Presidential Proclamation No. 115-A. Gitambongan kini sa mga transport operators, grupo sa mga commuters, city government, barangay officials ug mga department heads.
Sa ekslusibong pakighinabi ning sibyahan kang City Transportation and Traffic Management Department Head Maria Kristina Cassion, gibutyag niining unang higayon kini sa siyudad nga nagtinguhang mapahimangnoan ang publiko sa kamahinungdanon sa kaluwasan diha sa kadalanan og mapatas-an ang kahibalo sa mga patakaran sa trapiko.
Sumala pa ni Cassion nga tinguha karun sa lokal nga panggamhanan sa Butuan nga maminusan ang natigayong mga aksidente sa kadalanan pinaagi sa pagpakusog sa pagpahibalo niini. (REPORTS FROM: Bombo Rolan Janea)
