BUTUAN CITY – Giklaro sa Philippine Olympic Committee (POC) ug sa National Golf Association of the Philippines (NGAP) nga ang logistical problems ang hinungdan sa mitumaw nga isyu sa uniporme sa mga Filipina golfers nga sila Dottie Ardina ug Bianca Pagdanganan sa ilang 2024 Paris Olympics campaign.
Madumdumang nag-viral sa social media ang gi-upload nga video ni Ardina nga nagpakita sa iyang pagkadismaya kalabot sa ilang mga uniporme.
Sigon sa POC, ang opisyal nga sponsor sa suuton sa delegasyon sa Pilipinas, nagpadala sa ilang pasi-unang golf uniform design apan wla na-aprubahan samtang ang revised design, gipadala usa ka semana adiser ang opening ceremony niadtong Hulyo 27.
Apan giklaro sa POC nga gihatag ra usab ngadto sa duha ang ilang uniporme nga gipalit sa Paris, apan parehong pinili nila Ardina ug Pagdanganan nga suuton ang ilang dalang uniporme.
Depensa usab sa POC, wala’y nahitabong kahiwian ug nagsubo matud pa sila dihang naka-abot kanila ang balita ug ang isyu nga ilang gikonsiderang isolated case lang.
