BUTUAN CITY – Laumang masinatian na usab ang laing rollback sa presyo sa mga produktong petrolyo sunod semana.
Kini nunot sa pagpatuman sa duha ka dagkong umento sa presyo sa lana ning ulahing bahin sa miaging buwan.
Sumala ni Energy Oil Industry Management Bureau Rino Abad, aluman matud pang dunay rollback nga kapin sa P1 matag litro sa gasolina, samtang ang diesel gilauman usab nga nga mokunhod sa P0.50 matag litro.
Samtang ang Kerosene, mokunhod usab og P0.80 ang matag litro.
Base matud pa kini sa international petroleum trading sa nakalabay nga upat ka adlaw .
Ang pag-us-os sa presyo sa lana gikutay gihapon sa nagapadayong hunong-buto tali sa Israel ug Iran.
Gilaumang ipahibalo sa mga kompanya sa lana ang opisyal nga presyo sa Lunes ug mamahimo kining epektibo sa Martes, Hulyo 8.
