BUTUAN CITY – Gidepensahan sa negusyante nga si Charlie ‘Atong’ Ang ang aktres nga si Gretchen Barretto kalabot sa pagkalambigit niini sa kaso sa mga ‘missing sabangeros’.
Gipanghimakak sa ‘gaming industry tycoon’ ang matud pa, kalambigitan o partisipasyon ni Gretchen Barretto sa pagkawala sa mga sabangero.
Sayrang gipasanginlan ang maong aktress sa whissle blower nga si alyas ‘Totoy’ o Julie ‘Dondon’ Patidongan, kinsa giingong dunay nahibaloan bahin sa nasangpit nga kaso.
Subay niini, mingdepensa usab si Ang nga wala matud pay kalambigitan si Gretchen Barreto sa nasangpit nga kaso, ug kauban lamang matud pa niya kini grupo.
Matod niini nga usa si Gretchen Barretto sa mga investor nga sakop sa ilang organisasyong ‘Group A’ ug gigamit lamang matud pa alang sa marketing sa negosyong sabong.
Tungod niini, hugot nga nagtuo ang grupo nga walay kalambigitan ang aktress sa bisan unsang illegal nga gimbuhaton.
Lakip sa subling gipanghimakak ni Ang ang kaugalingon niining damay sa maong kaso, nga sigon ni Alyas Totoy, mao matud pa ang mastermind sa pagkawala sa mga sabungeros. Kini usab ang rason nga pormal nang gisang-at ni Ang ang patung-patung nga mga kaso batok kang Patidongan.
Una nang gikabutyag sa Department of Justice nga duna matud pay unod ug kredibilidad ang pamahayag ni Alyas Totoy.
