BUTUAN CITY – Dili isolated ang kaso ni Bamban, Tarlac Mayor Alice Guo, kini ang hugot nga gituohan ni Senator Loren Legarda.
Sigon niini nga kinahanglan usab nga lantawon sa mga mambabalaod ang pagpanginlabot sa ubang mga nasod sa mga ahensya sa panggamhanan ug sa ubang mga pilniling opisyal sa Pilipinas.
Dugang sa Senadora nga mamahimo kining hulga sa seguridad sa nasod sa Pilipinas, suma niini nga posibleng dili lang sa politika dunay nahitbong pagpanghilabot sa mga langyaw, kundili basin duna na matud pay pagsulay sa pagsakop sa atung nasod. Pagklaro niini nga dili lang pinaagi sa pag-ilog sa yuta, dagat, o kaha sa kawanangan ang pwedeng himoon sa mga langyaw sa pag-ilog sa Pilipinas, kundili mamahimong pinaagi sa Kultural, economic, ug karon lakip na ang pinaagi sa Politika, rasong kinahanglan matud pang tun-an sa mga Senador ang nasangpit nga kaso.
Pagbutyag ni Senador Legarda nga mo salmot siya sa executive session sunod semana, diin iyagyag sa mga executive heads sa Pilipinas ang mga nakalap nila nga impormasyon mahitungod kang Mayor Alice.
